Назым Қызайбай Олимпиаданы жеңіспен бастады

Редактор
28.07.2024, 20:26

Оның келесі қарсыласы – бразилиялық Каролайн Барбоза де Алмейда

Қазақстан бокс федерациясы

Қыздар боксынан Олимпада ойындарында Қазақстан намысын қорғап жатқан Назым Қызайбай (50 кг) алғашқы айналымда жеңіске жетті.

1/16 финалда жерлесіміз италиялық боксшы Джордана Соррентиномен жұдырықтасқан болатын. Бірінші раундта төрешілер жеңісті Джорданаға берген. Алайда, қалған екі раундта Назымның мерейі үстем болды.

Осылайша қазақстандық боксшы жарыстың 1/8 финалына шығып отыр. Оның келесі қарсыласы – бразилиялық Каролайн Барбоза де Алмейда.

Айта кетейік, Назым Қызайбай әлемнің екі дүркін чемпионы және Азия чемпионы. Олимпиада жолдамасын ол соңғы Таиландта өткен лицензиялық турнирде иеленді.

Бұған дейін рингке шыққан Мұхамедсабыр Базарбайұлы мен Айбек Оралбай бірінші айналымда жеңіске жетсе, команда капитаны Асланбек Шымбергенов жеңіліп қалды.