Қазақстандық таэквондошылар 2,5 млн теңге жалақы алады – журналист

01.12.2023, 17:39

Отандық таэквондошылар соңғы ірі жарыстардың ешбірінде алтын жүлде алмаған

Қазақстан спортындағы ең жоғары жалақылардың бірін футболшылар да, боксшылар да емес, таэквондошылар алатын көрінеді. атап айтқанда, ұлттық құрама мүшелерінің алды 2,5 миллион теңге айлық жалақы алады екен. Бұл туралы спорт журналисі Аслан Қаженов «Бірінші бол» YouTube-жобасында болған подкаст кезінде айтқан.

Оның сөзінше, бұл цифра министр Ермек Маржықбаевтың аузынан шыққан. Федерациялардың басшыларын қабылдаған министр олардың есебін тыңдаған соң, жалақы көлемін де айтып қалған.

«Азия ойындарынан кейін таэквондо федерациясының қорытынды жиындарында орташа айлық 2,5 млн теңге екені айтылды. Бұл сөз министрдің аузынан айтылды. «Көп ақша айтылғанына қарамастан нәтиже жоқ. Тіпті боксшылардан да көп аласыңдар» деді ол. Бірінші нөмірлі боксшылар қазір 1,6-1,8 млн теңге айлық алады. Мен сол жиынға қатыстым. Естіген құлақта жазық жоқ», - деді Аслан Қаженов. 

Айта кетейік, Қазақстан таэквондышылары соңғы өткен әлем чемпионатында бірде-бір жүлде алмады. Соған қарамастан оларға төленетін ақша көлемі министрдің өзін таң қалдырып отырғанға ұқсайды.

Бұл туралы не ойлайсыз?
Ұнайды 0
Ұнамайды 0
Күлкілі 1
Ашулану 1
×
Жаңалықтар Футбол Хоккей Бокс MMA Теннис Баскетбол Ұлттық спорт
Жаңа Подкаст! / Қазақ баласы қашан NHL-да ойнайды?