Соңғы ойында да астаналықтар өз жанкүйерлерін қуанта алмады
ВТБ Бірыңғай лигасында өнер көрсететін «Астана» баскетбол клубы жеңілістен көз ашпаған қалпында маусымды аяқтады. Соңғы турда елорда ұжымы Санкт-Петербургтің «Зенит» клубымен кездесті.
Глеб Плотников шәкірттері өз алаңындағы ойында ірі есеппен жеңілді. Қорытынды есеп – 67: 101.
«Астана» сапынан Ти Джей Старкс – 26 ұпай, Валерий Симонов – 7, Асқар Майдекин – 6, Илья Пестов – 5, Вадим Щербак – 3 ұпай жинады.
Осылайша, елордалық команда ВТБ Бірыңғай лигасының тұрақты чемпионатын 12-орынмен аяқтады. Өзі лигада 12 команда болған. Команда 44 матчтың 42-сінде жеңілді.
ВТБ Бірыңғай лигасы. 44-тур:
«Астана» - «Зенит» - 67:101 (16:20, 24:23, 9:32, 18:26).
