Жаздың соңғы үлкен айқасы

Жаздың соңғы күніндегі басты футбол оқиғасы сөзсіз «Энфилд» алаңында өтпек. Үшінші тур аясында «Ливерпуль» мен «Арсенал» күш сынасады.

Olimpbet сарапшылары алаң иелерінің жеңу ықтималдығы сәл жоғары екенін айтқанымен, оларды айқын фаворит деуге асықпайды.

Өткен маусымда «қызылдар» мен «канонирлер» Премьер-лигада үздік екі орыннан көрінген болатын. Биыл да екеуі чемпиондыққа басты үміткер саналады. Маусым басындағы алғашқы екі турда да жеңіске жетіп, өз әлеуетін көрсетіп үлгерді.

«Арсеналдың» басты артықшылығы – берік қорғаныс. Лондондықтар жаңа маусымда әзірге бірде-бір гол жіберген жоқ. Ал чемпиондық атағын қорғап тұрған «Ливерпуль» керісінше, шабуылдағы қарымын паш етіп, екі ойында жеті гол соқты. «Борнмут» пен «Ньюкаслға» қарсы кездесулерде шешуші голдарды соңғы минуттарда соққаны команданың мінезін айқындайды.

Соңғы жылдары «Ливерпуль» «Арсеналға» оңайлықпен берілмей келеді. Соңғы он кездесудің тек екеуінде ғана лондондықтар жеңген. «Энфилдтегі» матчтарда бұл көрсеткіш тіпті көңілсіз: «Арсенал» сырт алаңда 13 жылдан бері жеңіске жете алмай жүр.

Дегенмен соңғы сегіз ойының алтауы тең аяқталған. Бірақ Olimpbet сарапшылары бұл жолы тең нәтиженің ықтималдығы аз деп отыр. Олар матчтың нәтижелі боларына сенімді, ал гол соғуы ықтимал ойыншы ретінде қонақтардың жаңа шабуылшысы, швед Виктор Дьекерешті атап өтуде.

Франция Лигасы. 3-тур. «Лион» – «Марсель». 31 тамыз, 23:45

Франция біріншілігінің алғашқы екі турында төрт команда толық алты ұпайдан жинады. Солардың бірі — «Лион», ол қазір қарсыластарынан доп айырмашылығы бойынша алда келеді (4:0).

Ал «Марсель» маусымды сәтсіз бастап, бірінші турда «Реннге» (0:1) есе жіберді де, әзірге жетінші орынға жайғасты.

Дегенмен Olimpbet сарапшылары «Лионды» фаворит деп санамайды. Керісінше, қонақтардың жеңу мүмкіндігін жоғарырақ бағалайды. Мұндай пікірге екі клуб арасындағы соңғы кездесулер ықпал еткен: соңғы алты матчтың бесеуінде жеңісті «Марсель» жұлып әкеткен. Өткен маусымда да прованстықтар екі ойынның екеуінде де (үйде де, түзде де) бірдей есеппен – 3:2 есебімен басым түскен еді.

Сарапшылар биыл да тартысты әрі нәтижелі ойын боларына сенімді. Сондай-ақ бұрыштан берілетін доптар мен ескерту қағаздары бойынша да басымдық «Марсель» жағында болады деп болжануда.