Бибосынов – әлем біріншілігіне фаворит ретінде келген боксшылардың бірі.
Қазақстандық танымал боксшы Сәкен Бибосынов Халықаралық бокс қауымдастығы (IBA) ұйымдастырып жатқан 2025 жылғы әлем чемпионатындағы алғашқы жекпе-жегін өткізді. Турнир Дубайда (БАӘ) өтіп жатыр.
54 келіге дейінгі салмақта жұдырықтасатын Бибосынов Ботсвана өкілі Катлего Кеорапецені тас-талқан етіп ұтты. Олимпиада ойындарының жүлдегері, әлем чемпионы Сәкен – осы салмақтағы көшбасшы боксшылардың бірі. Бұл біріншілікке де ол чемпион атану үшін келгені анық. Солай болсын деп тілейік.
Сәкен жекпе-жек басталысымен толық бақылауда ұстап, төрешілердің ортақ шешімімен жеңді.
Бүгін шаршы алаңға төрт боксшымыз шығады. Сәкеннің алдында Сабыржан Аққалықов пен Даниял Сәбит жеңіске жеткен. Ал Серік Теміржанов үшінші жарыс күнін қорытындылайды.
Әлем чемпионаты-2025 13 желтоқсанға дейін жалғасады. Турнирдің жалпы жүлде қоры – 8,32 миллион доллар.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
