Соққының ауыр болғаны сонша, Джейк Пол орнынан тұра алмады
Майамидегі «Касейя Центр» аренасында өткен кәсіпқой бокс кешінде британдық даңқты Энтони Джошуа америкалық боксшы-блогер Джейк Полмен жұдырықтасып, нокаутпен жеңіске жетті.
Пол блогер болғанымен, бірнеше жыл қатарынан кәсіпқой бокста өнер көрсетіп келеді. Соңғы рет ол былтыр қараша айында әйгілі Майк Тайсонмен рингке шығып, төрешілер шешімімен жеңіске жеткен болатын.
Ал, бүгін оның жолы болмады. 36 жастағы Джошуа алтыншы раундта Полды ауыр соққысымен сұлатып түсірді. Төреші алдымен нокдаун ашқанымен, америкалық блогер орнынан тұра алмады.
Осылайша, Энтони Джошуа кәсіпқой бокстағы 29-жеңісіне қол жеткізді. Сондай-ақ, оның төрт жеңілісі бар. Әуесқой бокста Лондон Олимпиадасының чемпионы болған.
Ал, 28 жастағы Джейк Пол болса екінші рет жеңіліп отыр. Ол бұған дейін 12 рет жеңіске жеткен.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
