Кездесуде орта салмақта уақытша әлем чемпионы атағы сарапқа салынады.
Орта салмақта WBO тұжырымы бойынша уақытша әлем чемпионы атағы сарапқа салынатын жекпе-жек күні анықталды.
Британиялық Дензел Бентли (21-3-1, 17 КО) мен венесуэлалық Эндри Сааведра (17-1-1, 14 КО) арасындағы айқас 4 сәуір күні Лондондағы әйгілі O2 Arena аренасында өтеді. Қазіргі таңда WBO рейтингінде Бентли – бірінші, ал Сааведра екінші орында тұр.
Ал осы кездесу жеңімпазы кейін орта салмақтағы WBO нұсқасы бойынша толыққанды әлем чемпионы Жәнібек Әлімханұлымен (17-0, 12 КО) жұдырықтасуы тиіс.
Еске сала кетейік, допинг-сынамасынан мельдоний табылған Жәнібек бір жылға жарыстардан шеттетілген болатын. Оның дисквалификация мерзімі 2026 жылдың 2 желтоқсанына дейін жалғасады. Осы мерзім аяқталған соң Әлімханұлы уақытша чемпион атанған боксшымен міндетті түрде жекпе-жек өткізуге тиіс.
Айта кетейік, Әлімханұлы мен Бентли бұған дейін 2022 жылы шаршы алаңда кездескен. Ол кезде «Қазақ стилі» 12 раунд қорытындысы бойынша жеңіске жеткен еді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
