Орта салмақта өнер көрсететін қазақстандық боксшы Мейірім Нұрсұлтанов (20-0, 11 КО) биыл тамызда рингке оралуы мүмкін. Қарсыласы – WBC белбеуінің уақытша иегері кіші Хесус Рамос (24-1, 19 КО) болады деп мәлімдеді америкалық инсайдер Буг Уильямс.
Айта кетейік, тамызда Роландо Ромеро мен Теофимо Лопес арасында чемпиондық жекпе-жек өтеді. Мейірім осы бокс кешінің андеркартында өнер көрсетуі мүмкін.
Бұған дейін белгілі болғаны, WBA тұжырымының суперчемпионы Роландо Ромеро (17-2, 13 КО) 22 тамызда титулын қорғау үшін Теофимо Лопеспен (22-2, 13 КО) рингке шығады.
«Менің бұл жекпе-жектің андеркартына болжамым мынадай:
- Хесус Рамос пен Мейірім Нұрсұлтанов;
- Бахрам Муртазалиев пен Брэндон Адамс.
Эгис Климас Бахрамның және Мейірімнің жұмысын жүргізіп келеді», - деп жазды Буг Уильямс өзінің X әлеуметтік желісіндегі парақшасында.
Еске салайық, бұған дейін Мейірімнің ағасы Мерей Ақшалов «Бірінші бол» YouTube-каналында қонақта болып, оның чемпиондық титул үшін жұдырықтасуға дайындалып жатқанын айтқан еді. Қазақ боксшысы WBC тұжырымында орта салмақта рейтингтің бірінші сатысында тұр.
Ордабасы
Кайрат
Окжетпес
Астана
Улытау
Елимай
Актобе
Атырау
Жетысу
Женис
Кайсар
Кызылжар
Тобол
Туран
