Зауырбек соңғы жекпе-жегін 26 қыркүйекте Аустралияның Квинсленд штатында өткізді
Қазақстандық кәсіпқой боксшы Сұлтан Зауырбек әлем чемпионы атағын Қазақстанға әкелуге уәде берді. 21 жекпе-жектің бәрінде жеңіске жеткен отандасымыз қазіргі таңда IBF нұсқасы бойынша әлем чемпионы атағына міндетті үміткер атанды.
«Біз чемпиондық титулға міндетті үміткер атандық! Бұйыртса, чемпиондық белбеуді Қазақстанға әкелетін күнге де аз қалды. Бізді қолдап, бізге сенген барша жанға мың алғыс!» – деп жазды боксшы Instagram парақшасында.
Зауырбек соңғы жекпе-жегін 26 қыркүйекте Аустралияның Квинсленд штатында өткізді. Ол жергілікті боксшы Джексон Инглендті төрешілердің бірауызды шешімімен жеңді. Қазақстандық спортшы төртінші раундта қарсыласын нокдаунға түсірді.
Бұл жеңіс Сұлтан Зауырбекке IBF нұсқасы бойынша әлем чемпионы атағына міндетті үміткер мәртебесін берді. Енді ол әлем чемпионы атағы үшін мексикалық Эмануэль Наварретемен жұдырықтасуы тиіс.
Эмануэль Наваррете кәсіпқой бокста 40 жеңіс, 2 жеңіліс және 1 тең нәтиже көрсеткен. Оның еншісінде 33 нокаут бар.
Ал Сұлтан Зауырбектің кәсіби мансабындағы көрсеткіші – 21 жеңіс, оның 13-і нокаутпен келген. Қазақстандық боксшы әлі жеңіліп көрген жоқ.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Каспий
Ертіс
Қызылжар
Қайсар
Атырау
Алтай
Жетісу
