Су тасқыны: футболшылар ақша жинады ма? "Реал" базасында Зиданмен бірге жаттықтық

Сербиядағы турнирдің финалына қазақтың 8 боксшысы шықты

17.03.2024, 02:07

Жарысқа әлемнің 16 елінен боксшылар келген

Сербиядағы турнирдің финалына қазақтың 8 боксшысы шықты
Қазақстан бокс федерациясы

Сербия астанасы Белградта бокстан дәстүрлі Бранко Пешич мемориалы финалына шыққан боксшылар белгілі болды.

Қазақстан құрамасынан жарысқа қатысқан 12 боксшының 8-і финалға жолдама алды.

Бүгін шаршы алаңға төрт боксшымыз шығып, төртеуі де жекпе-жегін жеңіспен аяқтап отыр. 71 келіде Сабыржан Аққалықов черногориялық Стефан Савковичті жеңді. 75 келіде Диас Молжігітов ресейлік Джамбулат Бижамовтан басым түсті. 80 келіде Ерасыл Жақпеков турнир қожайыны Златко Турковичті тізе бүктірді. Ал 92 келіде Данияр Рахымбердинов тағы бір серб Мирослав Савичтің сағын сындырды. Осылайша Белградтағы турнирдің финалында 8 боксшымыз жұдырықтасады.

«Belgrade winner» турнирінің финалында мына боксшыларымыз жұдырықтасады:

  • 48 келі: Ернұр Қайрат
  • 51 келі: Санжар Тәшкенбай
  • 54 келі: Дәулет Молдашев
  • 71 келі: Сабыржан Аққалықов
  • 75 келі: Диас Молжігітов
  • 80 келі: Ерасыл Жақпеков
  • 92 келі: Данияр Рахымбердинов
  • 92+келі: Олжас Боқаев

Аталған турнирге әлемнің 16 елінен 106 боксшы қатысып жатыр. Турнир 17 наурызға дейін жалғасады.

×
Жаңалықтар Футбол Хоккей Бокс MMA Теннис Баскетбол Ұлттық спорт