Жаңа Подкаст! Қонақта Марат Достаев пен Алдияр Жапарханов

Қамшыбек Қоңқабаев пен Теміртас Жүсіпов Баку турниріне қатысады

19.03.2024, 11:07

Ұлттық құраманы жарысқа Мырзағали Айтжанов бастап барады

Қамшыбек Қоңқабаев пен Теміртас Жүсіпов Баку турниріне қатысады
Қазақстан бокс федерациясы

Бокстан Қазақстан құрамасы Бакуде өтетін халықаралық турнирде бақ сынайды. Олардың қатарында Токио Олимпиадасының қола жүлдегері Қамшыбек Қоңқабаев пен әлем чемпионы Теміртас Жүсіпов бар. 

23 наурыз күні Әзірбайжан астанасы Бакуде бокстан халықаралық турнир басталады. Бұл сынға әлемнің он мемлекетінен 100-ден аса боксшысы қатыспақ. Қазақстан құрамасы қатарында 11 салмақ дәрежесінде былғары қолғап шеберлері сынға түседі. Олар:

  • 48 келі: Теміртас Жүсіпов
  • 51 келі: Дамир Әбдіқадыр
  • 54 келі: Тимур Қабешов
  • 60 елі: Талғат Сырымбетов
  • 63,5 келі: Серік Теміржанов
  • 67 келі: Бақтияр Смағұлов
  • 71 келі: Дархан Дүйсебай
  • 75 келі: Тимур Нұрсейітов
  • 86 келі: Бекзат Таңатар
  • 92 келі: Сағындық Тоғамбай
  • 92+ келі: Қамшыбек Қоңқабаев

Ұлттық құраманы бұл сынға Мырзағали Айтжанов бастап барады. Бапкерлер қатарында Марат Жақиев, Азамат Мақажанов, Нұржан Насанов сынды білікті мамандар бар.

Бұған дейін қазақ боксшылары мүшелері Белградтағы турнирге қатысып 4 алтын, 4 күміс медаль иеленген болатын. Сондай-ақ, Италияда аяқталған лицензиялық турнирде Қазақстан құрамасының 5 боксшысы Париж Олимпиадасының жолдамасына иелік етті.

×
Жаңалықтар Футбол Хоккей Бокс MMA Теннис Баскетбол Ұлттық спорт