Бакуде қазақ пен өзбек боксшылары жұдырықтасатын болды

Алмас Ахметов

Автор

24.03.2024, 12:25

Қазақстан сапында әлем чемпионатының жүлдегерлері бар

Қазақстан бокс федерациясы

Бүгін Әзірбайжан астанасы Бакуде «Ұлы жібек жолы» дәстүрлі халықаралық турнир басталады. 11 елден 121 боксшы сынға түсетін бәсекеде Қазақстан құрамасы да бар.

Қазақстан және Әзірбайжан құрамасынан бөлек, турнирде Өзбекстан, Ресей, Польша, Қыргызстан, Тәжікстан, Иран, Италия, Пәкстан және Венгрия боксшылары да бақтарын сынамақ.

Турнирдің жеребе тарту рәсімі өтіп, боксшыларымыздың алғашқы қарсыластары анықталды.

48 кг. Теміртас Жүсіпов - Турал Сариев (Әзірбайжан);
51 кг. Дамир Әбдіқадыр - Мэхди Хорошахи Парвизи (Иран);
54 кг. Тимур Қабдешов - Максим Кузнецов (Ресей);
60 кг. Талғат Сырымбетов - Марк Адольф Балох (Венгрия);
63,5 кг. Серік Теміржанов - Руслан Рустамов (Әзірбайжан);
67 кг. Бақтияр Смағұлов - Жакшылык Талабеков (Қырғызстан)/Шавкатжон Болтаев (Өзбекстан);
71 кг. Дархан Дүйсебай - Наби Исгандаров (Әзірбайжан);
75 кг. Тимур Нұрсейітов - Алишер Аюбов (Өзбекстан);
86 кг. Бекзат Таңатар - Самандар Джалолов (Өзбекстан);
92 кг. Сағындык Тоғамбай - Фуад Джафаров (Әзірбайжан);
+92 кг. Қамшыбек Қоңқабаев - Рамазан Карнукаев (Ресей).