Ол дайындықтың жоғары болғанын айтып, бар кінәні өзінен іздейтінін айтып отыр
Бокстан Олимпиадаға іріктеу турнирінде сүрінген Наталья Богданова жеңілісінің себебін түсіндірді.
Бүгін ол Сербия боксшысы Кристина Кулуховадан жеңіліп қалған болатын. Тартысты өткен жекпе-жек нәтижесінде төрешілер 3:2 есебін тіркеді.
«Алдымен қолдаған барша жанкүйерге алғыс айтқым келеді. Шынымды айтсам, не себепті жеңілгенімді түсіндіре алмаймын. Әйтпесе оқу-жаттығу жиындары да жақсы өтті, дайындық та жоғары деңгейде болды. Төрешілікке қатысты ештеңе айта алмаймын. Өзімнің де қателігім шығар, кей жерлерде соңына дейін бармай, кей жерлерде дұрыс жұмыс істемедім. Нәтижесі осындай», - деді Богданова.
Айта кетейік, Таиландта өтіп жатқан аламанда 66 келінің өкілі Богданова алғашқы кездесуінде сербиялық Кристина Кулуховаға есе жіберіп, Олимпиада квотасынан айрылды.
Бұған дейін қыздар құрамасының тағы бір мүшесі Ұлжан Сәрсенбек те бірінші айналымда жеңіліп қалған болатын.
Ордабасы
Актобе
Кайрат
Елимай
Атырау
Кайсар
Тобол
Астана
Жетысу
Кызылжар
Туран
Женис
Шахтёр
-
