Әзірге Қазақстаннан үш боксшысын Олимпиада жолдамасын алатын мүмкіндігі бар
Таиландта бокстан өтіп жатқан лицензиялық турнирде Валентина Хальзова ширек финалға шықты. 75 келіде сынға түскен отанадсымыз енді бір жекпе-жектен жеңіске жетсе, Париж Олимпиадасының жолдамасын иеленеді.
1/8 финалда Валентина Хальзова моңғолиялық Эрденетуя Энхбаатардан 5:0 есебімен басым түсті.
Бұған дейін 50 келіде Назым Қызайбай қарласынан басым түсіп, 1/8 финалға жолдама алған еді. Сондай-ақ, ерлер арасында Мұхамедсабыр Базарбайұлы ширек финалда Куба боксшысынан ұтылды. Енді жолдама үшін тағы да кездесу өткізетін болады.
