![Қазақстанның ең сұлу боксшысы шаршы алаңға оралатын күн белгілі болды](https://1bol.kz/cache/imagine/1200/uploads/news/2024/07/01/6682ed5c7d27e387081035.jpg)
Жекпе-жек 25 шілдеге жоспарланған
Қазақстандық боксшы қыз Балауса Мұздыман Бангкокте (Таиланд) WBA Asia атағына таласады. Бұл туралы спортшының өзі әлеуметтік желідегі парақшасында мәлімдеді.
Жекпе-жек 25 шілдеге жоспарланған. Қазір бойжеткен қызу жаттығу жұмыстарын жүргізіп жатыр.
Естеріңізде болса, аса жеңіл салмақта өнер көрсететін Мұздыман бұған дейін шаршы алаңға 1 маусым күні Алматыда шыққан. Сол кезде Балауса үндістандық қарсыласы Моника Сингхты (5-1, 3 КО) 40 секундта нокаутпен жеңді. Көкірек тұстан тиген ауыр соққыдан отырып қалған Сингх төреші санап біткенше орнынан тұра алған жоқ.