Жеңіске жеткендері Азия чемпионатына барады
Бокстан ұлттық құраманың бас бапкерлігіне тағайындалғаннан кейін Қайрат Сәтжанов алғашқы оқу-жаттығу жиынын бастады.
Қазақстан ұлттық құрамасы Париждегі Олимпиададан кейін алғаш рет оқу-жаттығуын Түркістан облысындағы жиында кеңейтілген құрамда өткізіліп жатыр. Жаттығуға барлық салмақ дәрежесінде әр аймақтан көптеген боксшы қатысуда.
Бокс федерациясының мәліметінше, оқу-жаттығу жиыны аяқталған соң құрама 29 қыркүйек пен 5 қазан аралығында Шымкентте өтетін Қарақозы Әбдалиевті еске алуға арналған халықаралық турнирде бақ сынайды. Ал осы сында топ жарған боксшылар Азия чемпионатына баратын тізімге енетін болады.
Айта кететін жайт, Қайрат Сәтжанов Париж Олимпиадасындағы ұлттық құраманың сәтсіздігінен кейін бас бапкер болып тағайындалған еді. Ол бұл міндетке осымен екінші рет бекітіліп отыр.
Кайрат
Актобе
Елимай
Ордабасы
Кайсар
Астана
Тобол
Атырау
Кызылжар
Жетысу
Туран
Женис
Шахтёр
-
