Отандасымыз ақпанда жұдырықтасуды ұсынды
Орта салмақта WBO және IBF нұсқалары бойынша әлем чемпионы Жәнібек Әлімханұлы танымал мексикалық боксшы Сауль «Канело» Альвареспен жекпе-жек өткізуге дайын екенін мәлімдеді.
«Менің ойымша, тек «Канелоның» ғана менімен жекпе-жекке шығуға батылдығы жетеді! «Канело», ақпанда жұдырықтасайық! Менің дивизионымдағы чемпиондар менен қорқып жүр! Әлемге жақсы бокс көрсетейік!» – деп жазды ол Х әлеуметтік желісінде.
Еске сала кетсек, бұған дейін Жәнібек Әлімханұлының WBO нұсқасы бойынша міндетті қарсыласы, Ұлыбританиядан шыққан Хамза Ширазбен жекпе-жегі болмай қалған еді. Сонымен қатар, «Қазақ стилі» WBC белбеуінің иегері, доминикандық Карлос Адамеске де өз шақыруын жолдаған болатын.
