«Олимпиада чемпиондары жоқ»: Өзбекстан Азия чемпионатына апаратын боксшыларын жариялады

Автор

26.11.2024, 09:59

Олардың қатарында қазақ боксшысы да бар

«Олимпиада чемпиондары жоқ»: Өзбекстан Азия чемпионатына апаратын боксшыларын жариялады

gazeta.uz

Өзбекстан Азия чемпионатына баратын боксшылар тізімін жариялады. Олардың қатарында Парижде чемпион болған саңлақтар жоқ. Бас бапкер Толкин Киличев құраманы жастардан жасақтапты.

Айта кетейік, биыл бокстан Азия чемпионатын Таиландтың Чиангмай қаласында 29 қараша – 12 желтоқсан аралығында өтеді.

Өзбекстан атынан бақ сынайтын боксшылар тізімі:

48 келі: Шодиержон Меликузиев
51 келі: Асилбек Джалилов
54 келі: Шахзод Музаффаров
57 келі: Миразизбек Мирзахалилов
60 келі: Дилшод Абдумуродов
63,5 келі: Адхамжон Мухиддинов
67 келі: Муджибулло Турсынов
71 келі: Хавасбек Асадуллаев
75 келі: Жавохир Умматалиев
81 келі: Турабек Хабибуллаев
86 келі: Жасурбек Юлдашев,
92 келі: Мадияр Сайдрахимов
92+кг: Жахонгир Зокиров

Азия чемпионатына баратын боксшылардың ішінде ең танымалы – 2019 жылғы Әлем чемпионы Миразизбек Мирзахалилов пен 2021 жылғы Әлем чемпионатының қола жүлдегері Мадияр Сайдрахимов (этникалық қазақ). 75 келі салмақтан бақ сынайтын Жавохир Умматалиев жастар арасындағы Әлем және Азия чемпионы. Аса ауыр салмақта Баходир Жалаловтың ізін басып келе жатқан Жахонгир Зокиров жасөспірімдер арасындағы Азияның бес дүркін жеңімпазы.