Ол өзінің бұрынғы салмағына оралып, Азия чемпионатына дайын екенін мәлімдеді
Бокстан Қазақстан ұлттық құрамасы Азия чемпионатына дайындықтарын пысықтады. 29 қарашада Таиландта басталатын құрлық біріншілігіне Қайрат Сатжанов 13 боксшыны алып бара жатыр. Олардың қатарында 54 келіде өнер көрсететін Махмұд Сабырхан да бар.
Ұлттық құрама жолға шығар алдында Астанада соңғы спарринг жекпе-жектерін өткізді. Қазақстандықтармен бірге бұл жиынға Ресей, Куба және Грекия боксшылары да қатысқан болатын. Соңғы спаррингте Махмұд Сабырхан 54 келідегі Ресей чемпионымен жұдырықтасып, оған шеберлік сағатын өткізді деуге болады.
Жекпе-жектің видеосын Сабырханның жеке бапкері Ілияс Оралбеков өзінің Instagram-парақшасында жариялаған. Онда қазақ боксшысының ресейлік қарсыласын еш қиындықсыз ұрып алғанын байқауға болады.
Айта кетейік, Махмұд Сабырхан Париж Олимпиадасына бару үшін салмағын 57 келіге көтеріп, алғашқы жекпе-жегінде жеңіліп қалды. Оған дейін ол Ташкентте өткен әлем чемпионатында 54 келіде топ жарған еді.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
