35 жастағы боксшы Олимпиада ойындарының екі дүркін, әлемнің бес дүркін чемпионы
Елімізде бокстан Қазақстан және Куба боксшыларының біріккен оқу-жаттығуының соңында бас бапкер Қайрат Сәтжанов кубалық даңқты боксшы Ла Крузға құрмет көрсетті.
Кезекті жаттығу барысының аяқталуынан кейін жиын өтіп, боксшыға қазақтың ұлттық шапаны жабылды. Айта кетейік, Хулио Ла Круз – Олимпиада ойындарының екі дүркін, әлемнің бес дүркін чемпионы.
Ол 81 келіде Риода чемпион болса, Токиода өткен ойындарда 91 келіде үздік атанды. Ол қазақ боксшыларымен рингте 10 мәрте кездескен. Оның ішінде 8-де Ла Круз жеңсе, қалған екеуінде есе жіберді. Мәселен, 2012 жылы Алматыда өткен С.Нұрмағанбетов турнирінің финалында Әділбек Ниязымбетовке жол берді. Ал 2019 жылы Екатерингбургте өткен әлем чемпионатында Бекзат Нұрдәулетовтен жартылай финалда ұтылды.
