Оның жасы 35-те
Кәсіпқой бокстан екінші орта салмақта өнер көрсететін қазақстандық Али Ахмедов (22-1, 16 КО) келер жылы 17 қаңтарда шаршы алаңға шығатын болды.
BoxRec.com порталының мәліметінше, Алидің қарсыласы тәжірибелі америкалық боксшы – 35 жастағы Рональд Эллис (18-5-2, 12 КО) болады. Жекпе-жек 10 раундқа жоспарланған.
Бұған дейін қазақстандық боксшының 25 қаңтарда рингке оралатыны жарияланған болатын. Дегенмен, жоспар өзгеріп, қарсылас та нақтыланды.
Айта кетейік, аталған бокс кешін Геннадий Головкиннің промоутері болған Том Леффлер ұйымдастырып отыр (360 Promotions). Ал, трансляцияны UFC Fight Pass жүргізеді.
