“WBA Continental” титулын сәтті қорғаған боксшыны әкім арнайы қабылдаған
Шымкент әкімі Ғабит Сыздықбеков кәсіпқой боксшы Сұлтан Зауырбекпен кездесті. Сұлтан Зауырбек (18-0, 13 КО) екінші жартылай жеңіл салмақта өнер көрсетеді.
«Бүгін Шымкент бокс мектебінің түлегі, кәсіпқой боксшы Сұлтан Зауырбекпен кездестім. Сұлтанды “WBA Continental” титулын сәтті қорғағанымен құттықтап, кәсіби рингте одан әрі жетістіктер тіледім. Кездесу барысында Шымкентте кәсіби бокс кешін өткізу мүмкіндігін де талқыладық. Іс-шараны ұйымдастыруға жан-жақты қолдау көрсетуге дайын екенімді білдірдім.
Сұлтан Зауырбек желтоқсан айының басында Ирландияның Уотерфорд қаласында поляк боксшысы Дамиан Вржесинскиді төрешілердің бірауыздан қабылдаған шешімімен жеңіп, “WBA Continental” титулын сәтті қорғады және жеңістер сериясын 19 жекпе-жекке дейін жеткізді. Сұлтанды кезекті жеңісімен құттықтап, алдағы уақытта да жаңа жетістіктерге жетуін тіледім», – деп жазды қала басшысы.
Айта кетейік, боксшы белгілі ақын Мұхтар Шахановтан бата алғанын айтқан болатын.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
