69 келіде әлем чемпионы Деметриус Андраде отандасымызды мойындаған
Бақыт Сәрсекбаев Бейжің Олимпиадасының қарсаңында 69 келіде әлем чемпионы Деметриус Андраденің өзі туралы жоғары баға бергенінен хабарсыз болып шықты.
«Берен Live» арнасына берген сұхбат берген боксшы бүгінде кәсіпқой бокста атой салып жүрген америкалық Деметриус Андраденің өзіне қатысты жоғары баға беріп, Бейжің Олимпиадасында басты қарсылас санағанын кейін бір-ақ естігенін жеткізді.
«New York Times» басылымына берген сұхбатында Андраде солай деген екен. Бұл туралы блогерлер хабарласып сұрады. Андраде сол жылдары әлем чемпионы болған еді. Оның мықты боксшы екенін де білем. Бірақ бұлай айтқанын сол уақыттары естімедім. Пікірі үшін рахмет деп айттым», - дейді Бақыт Сәрсекбаев.
«New York Times» басылымына берген сұхбатында Деметриус Андраде Сәрсекбаевпен Бейжің олимпиадасының финалында кездесіп, өзара мықтыны анықтауымыз мүмкін деп болжаған көрінеді.
«Неліктен Бақыт? Ол әлем чемпионатын ұтпады, тек екі рет Азия чемпионаты мен бір рет Азия ойындарын ғана ұтты ғой…» деген сұраққа Андраде: «Бақыт – әлемдік деңгейдегі спортшы», деп бір ауыз сөзбен ғана жауабын айтқан.
2008 жылдың ақпан ай̆ында АҚШ-тың спортты зерттеу орталықтарының бірі 69 келіде Бейжің олимпиадасының финалында қазақ Бақыт Сәрсекбаев пен америкалық Деметриус Андраде кездеседі деп болжаған. Бірақ Бейжің Олимпиадасының ширек финалында Андраде Афины олимпиадасының қола жүлдегері – оңтүстіккореялық Ким Чон Джуға есе жіберіп, жарыс жолынан шығып қалды.
Қазіргі таңда Деметриус Андраде кәсіпқой бокста супер орта салмақта табысты өнер көрсетіп жүр.
Астана
Кайрат
Ордабасы
Актобе
Елимай
Тобол
Атырау
Кайсар
Кызылжар
Жетысу
Женис
Туран
Шахтёр
-
