Оның қарсыласын Африкадан әкелу жоспарланып отыр
Қазақстандық кәсіпқой боксшы, екінші жеңіл салмақта өнер көрсететін Бекман Сойлыбаев (19-1, 10КО) UBO World Title чемпиондық атағы үшін жекпе-жек өткізеді.
Бұл туралы Adal Promotions промоутерлік компаниясы хабарлады. Ақпаратты сондай-ақ, боксшының менеджері Жанпейіс Назарғали да растап отыр.
Жекпе-жек кеші Ақтау қаласында 23 ақапнда өтеді. Қарсыластың аты-жөні әзірге ресми айтылмады. Десе де, оның африкалық боксшы екені белгілі, кәсіпқой рингте әлі жеңіліп көрмеген. Жекпе-жек 12 раундқа жоспарланып отыр.
Сонымен қатар, бұл күні Жолдас Жеңісов (7-0-0, 2КО), Саматәлі Төлтаев (4-0-0, 1КО), Самат Жетібаевтар да кезекті жекпе-жегін өткізеді.
Естеріңізге сала кетейік, Бекман Сойлыбаев кәсіби мансабын 2014 жылы бастаған. Ол сол жылы әскерилер арасында 60 келіге дейінгі салмақта чемпион атанған. Соңғы рет Алматыда өзбек боксшысын Абдуллибек Назмиздоновты мерзімінен бұрын айқын басымдықпен жеңген.
