Астанадан кейін Сауль «Канело» Альвареске дайындаламыз – Жәнібек Әлімханұлының менеджері

02.04.2025, 14:15

Мексикалық даңқты боксшы осы күнге дейін Жәнібек Әлімханұлына қатысты бірде-бір рет мәлімдеме жасамаған

Астанадан кейін Сауль «Канело» Альвареске дайындаламыз – Жәнібек Әлімханұлының менеджері
Instagram/janibek_alimkhanuly

Кәсіпқой бокстан орта салмақтағы IBF және WBO тұжырымдары бойынша әлем чемпионы Жәнібек Әлімханұлы (16-0, 11 KO) Астанадағы жекпе-жегінен кейін Сауль Альвареспен жұдырықтасуға дайындалады. Бұл туралы қазақстандық боксшының менеджері Берік Сұлтан Qazaqstan телеарнасына берген сұхбатында айтты.

Еске салайық, 5 сәуірде Астанада өтетін кәсіпқой бокс кешінде Жәнібек әлімханұлы француз Ануаэль Нгамиссенгемен (14-0, 9 KO) жұдырықтасады.

«Біз тек 5 сәуірге дайындалып жатқан жоқпыз. Одан кейін бізді үлкен жекпе-жектер күтіп тұр. Дэвид Бенавидеске (30-0, 24 KO), Канелоға (Сауль Альварес) қарсы дайындаламыз. Мұндай қарсыластарға дайындықты ертерек бастап кеттік. Мексикадан бапкер алдырттық, өйткені олардың стилі өзгеше. Біз Мексика мен қазақ стилік біріктіріп, агрессивті жаңа стиль ойлап табамыз», - деді Берік Сұлтан.

Айта кетейік, Сауль Альварес те, Дэвид Бенавидес те Жәнібектен жоғары салмақта өнер көрсетеді. Бұған дейін америкалық спорт сарапшылары қазақ боксшысына салмақ көтеруге кеңес берген.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам