Маған Дычкомен жұдырықтасу қызық емес - Баходир Жалолов

02.04.2025, 20:52

Өзбекстандық боксшы Астанаға келді

Маған Дычкомен жұдырықтасу қызық емес - Баходир Жалолов
The Heavyweight Factory©

Аса ауыр салмақтағы өзбекстандық боксшы Баходир Жалолов (14-0, 14 KO) қазақстандық Иван Дычкомен кездесу өткізуге мүдделі еместігін айтты. 5 сәуір күні өтетін бокс кешіне қатысу үшін Астанаға келген Жалолов журналист Наима Нұрәліге берген сұхбатында мақсаты бөлек екенін алға тартты.

«Иван Дычкомен кездесу өткізу маған қызық емес, оның өз, менің өз жолым бар. Біз жоспарымызды менеджерлермен бірге талқылап құрамыз», - деді Жалолов.

Сонымен қатар болашақ қарсыласына қатысты «бәрін шаршы алаң көрсетеді» қысқа жауап берді.

Айта кетейік, елорда төрінде Баходир украиналық Игорь Шевадзуцкиймен (12-2, 10 KO) кездеседі.

Ал бокс кешінің басты айқасында орта салмақта WBO және IBF нұсқалары бойынша әлем чемпионы Жәнібек Әлімханұлы (16-0, 11 KO) мен француз Анауэль Нгамиссенге (14-0, 9 KO) кездеседі.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам