Бұл оқиғаны қазақтардың көбі білмейді. Жаңа ЖБ Шоу!

«Бұрын жеңілгенім рас, қазір жұдырықтасуға толық дайынмын»: Жалолов Дычкомен жекпе-жек туралы

03.04.2025, 16:30

Бұған дейін Дычко мен Жалолов әуесқой бокста бірнеше рет кездесіп, бәрінде қазақстандық боксшы жеңген

«Бұрын жеңілгенім рас, қазір жұдырықтасуға толық дайынмын»: Жалолов Дычкомен жекпе-жек туралы
Фото ашық дереккөзден

Өзбекстандық даңқты боксшы Баходир Жалолов қазақстандық Иван Дычкомен жекпе-жек өткізуге қарсы емес. Тек қос тарап қаражат мәселесін шешіп алса болғаны. Бұл туралы спортшы бүгін Астанада өткен баспасөз мәжілісінде айтты.

Еске салайық, күні кеше Жалолов қазақстандық БАҚ-қа сұхбат беріп, «Дычко мен үшін қызық емес» деп қысқа қайырған болатын. Бүгін ол кез келген боксшымен жұдырықтасуға дайын екенін айтып отыр.

«Мен кез келген жекпе-жекке дайынмын. Егер екі тараптың менеджерлері келіссе Иван Дычкомен де, басқасымен де жекпе-жек өткізуге әзірмін. Бұдан біраз жыл бұрын бірнеше рет жеңілгенім рас. Қазір мен толықтай өз бабымдамын», - деді Жалолов 1bol.kz тілшісіне берген сұхбатында.

Айта кетейік, 5 сәуірде Астанада өтетін бокс кешінде Баходир Жалолов украиналық Игорь Шевадзуцкиймен (12-2, 10 KO) жұдырықтасады. Бұл кештің басты жекпе-жегі Жәнібек Әлімханұлы (16-0, 11 KO) мен француз Анауэль Нгамиссенге (14-0, 9 KO) арасында өтпек.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам