Әлем кубогі: қазақ боксшылары финалда өзбектерді жеңіп, чемпион атанды

Бразилияның Фос-ду-Игуасу қаласында өткен бокстан Әлем кубогында Қазақстан құрамасы 3 алтын және 3 қола медаль жеңіп алды. Финалға шыққан ерлер құрамсасының екі боксшысы да өзбектермен кездесіп, екеуі де жеңіске жетті.

Алтын медаль иегерлері:

• Нұрсұлтан Алтынбек (55 кг)
• Дәулет Төлемісов (85 кг)
• Жазира Орақбаева (51 кг)

Қола медаль иегерлері:

• Диас Молжігітов (80 кг) 
• Даниал Сапарбай (+90 кг)
• Ұлжан Сәрсенбек (57 кг)

55 келі

• Нұрсұлтан Алтынбек (Қазақстан) – Миразизбек Мирзахалилов (Өзбекстан, 2019 жылғы әлем чемпионы) – 3:2

85 келі

• Дәулет Төлемісов (Қазақстан) – Акмалжон Исроилов (Өзбекстан) – 3:2

51 келі

• Қазақстан: Жазира Орақбаеваның қарсыласы шаршы алаңға шықпады.

Осылайша, құрамамыз World Boxing ұйымдастырған аламанның алғашқы кезеңін жалпы есепте үшінші орынмен аяқтады. Көш басына Өзбекстан боксшылары жайғасты.

Ерлер құрамасының жалпы жүлде кестесі:

•  Өзбекстан – 5 алтын, 2 күміс, 1 қола
•  Бразилия – 2 алтын, 2 күміс, 1 қола
•  Қазақстан – 2 алтын, 2 қола
•  Үндістан – 1 алтын, 1 күміс, 4 қола
•  Англия – 3 күміс, 1 қола
•  Франция – 1 күміс, 3 қола
•  Польша – 1 күміс, 3 қола
•  Италия – 2 қола
•  АҚШ – 2 қола
•  Гватемала – 1 қола

Айта кетейік, Бразилиядағы Әлем кубогының бірінші кезеңіне 18 елден 130 боксшы қатысты. Турнирдің келесі кезеңі Қазақстанда 30 маусым мен 7 шілде аралығында өтеді. Ал, 21 мен 27 шілде аралығында тағы бір кезеңі күнтізбеде бар. Жарыстың өтетін орны кейінірек хабарланады. Әлем кубогының финалдық кезеңі 15-22 қарашада Үндістанда жоспарланған.