Жаңа шығарылым! Англия жеңіледі. Саутгейт ақымақ адам!

Бокстан лицензиялық турнирге кімдер қатысады?

12.01.2024, 10:04

63,5 келіде әліде нақты шешім қабылданбаған

Бокстан лицензиялық турнирге кімдер қатысады?
olympic.kz

29 ақпан мен 12 наурыз аралығында Италияның Бусто-Арсицио аймағында бокстан лицензиялық турнирге қай боксшылар баратыны белгілі болды. Барлық салмақ дәредежесі бойынша жартылай финалға шыққан боксшылар Париж Олимпиадасының жолдамасына ие болады.

Оlympic.kz сайтының жазуынша, команданың бас бапкері Мырзағали Айтжанов лицензия сарапқа салынатын жарысқа кімдер қатысатынын атады.

«Олимпиадаға іріктеу турниріне қарашада өткен Спартакиаданың жеңімпаздары қатысады. Алты боксшыны жарысқа қосамыз. Ал Азия ойындарында жолдама мәселесін шешіп қойған Қамшыбек Қоңқабаевты жаттығу жиынына жіберуді ойластырдық», - деді Айтжанов.

Бұл ретте Қазақстан бокс федерациясының атқарушы директоры Азиз Қожамбетов тек қана 63,5 келіде таңдау болатынын алға тартты.

«Бұл салмақта Ертуған Төренов пен Мұхаммедсабыр Базарбайұлының біреуі баруы мүмкін», - деді ол.

Қазіргі бокстан Қазақстан ерлер командасының қоржынына Олимпиаданың бір жолдамасы бар. Оған Азия Ойындарында Қамшыбек Қоңқабаев қол жеткізді.

×
Жаңалықтар Футбол Хоккей Бокс MMA Теннис Баскетбол Ұлттық спорт Матч-болжам