Жөндеу жұмыстарына қаржы құймай отырғанымыз да сол себеп
Бокстан Олимпиада ойындарының екі дүркін күміс жүлдегері, әлем чемпионы Болат Жұмаділов Астандағы шәкірттерін шағын ғана жертөледе жаттықтырып жүр. Бұл туралы ол «Уақыт көрсетеді» бағдарламасында айтты.
Даңқты спортшы өзі тұратын үйдің техникалық бөлігін бокс залына айналдырған. Бүгінде жастармен қатар ересек адамдарды да бокс әліппесіне үйретіп жүр. Дегенмен кадрлардан байқағанымыздай, залдың тоз-тозы шыққан, бокс қолғаптары мен «лапаның» өзі жарамсыз күйде.
«Үйдің тұрғындарына бұл жерде бокс залы болатынын, ешқандай коммерциялық ұйым еместігін жақсылап түсіндірдік. Қазір ешкім мазаламайды. Бірақ бұл жер бізге тиесілі емес, сондықтан кез келген уақытта келіп «босат» деп айтуы мүмкін. Жөндеу жұмыстарына қаржы құймай отырғанымыз да сол себеп. Осы үйдің жоғары қабатында өзім де тұрамын, кейде осы залда ұйықтап, шай ішіп аламыз», - дейді Жұмаділов.
Боксшы алдағы уақытта бұл мәселе де оң шешімін табатынына сенімді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
