Отандасымыз Косово елінің өкілі Башким Бажокуды алғашқы раундта нокаутқа түсірген
Ливерпульде (Англия) өтіп жатқан бокстан әлем чемпионатының ресми сайты Worldboxingliverpool.com қазақстандық боксшы Махмұд Сабырханның сенімді жеңісін айрықша атап өтті.
1/4 финалдық жекпе-жекте 55 келіге дейінгі салмақ дәрежесінде өнер көрсеткен Сабырхан қарсыласы — Косово елінің өкілі Башким Бажокуды алғашқы раундта нокаутпен жеңіп, жартылай финалға жолдама алды.
«55 келіге дейінгі салмақта Махмұд Сабырханның өнері ерекше әсер қалдырды. Ол Косоводан келген Башким Бажокуды бірінші раундта-ақ нокаутқа түсіріп, медаль үшін айқасқа жол ашты. Енді ол жапон боксшысы Руи Ямагучимен кездеседі. Сабырханның бұл жеңісі Қазақстан құрамасы үшін табысты күннің жарқын бөлігі болды. Команда барлық төрт жекпе-жекте жеңіске жетті», – деп жазды ресми сайт.
Айта кетейік, Ливерпульдегі бұл әлем чемпионаты World Boxing ұйымы өткізген ересектер арасындағы алғашқы біріншілік болып саналады. Дода 14 қыркүйекке дейін жалғасады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
