Отандасымыз 4:1 есебімен жеңіске жетті
Қазақстандық боксшы Елдана Тәліпова Англияның Ливерпуль қаласында өтіп жатқан әлем чемпионатында сәтті өнер көрсетіп, жартылай финалға жолдама алды.
Аса ауыр салмақта (+80 кг) жұдырықтасатын спортшымыз ширек финалда Жаңа Зеландия өкілі Селин Элин Дэниел Ли-Ломен кездесіп, тартысты жекпе-жекте төрешілердің шешімімен 4:1 есебімен жеңіске жетті.
Бұл жетістік Елданаға турнирдің жартылай финалына шығумен қатар, кемінде қола медальді қамтамасыз етті. Оның қарсыласы жарысты жүлдесіз аяқтады.
Айта кетейік, бұған дейін әлем чемпионатының жартылай финалына тағы екі қазақстандық бұрымды — Виктория Графеева (60 кг) мен Наталья Богданова (70 кг) жолдама алған болатын. Осылайша, әйелдер құрамасы бірден бірнеше салмақта медальға қол жеткізді.
Англияның Ливерпуль қаласында өтіп жатқан дүбірлі дода 14 қыркүйекке дейін жалғасады. Жекпе-жектерді қазақстандық жанкүйерлер «Qazaqstan» және «Qazsport» телеарналарынан тікелей эфирде тамашалай алады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
