Бусеназ Сюрменели – 2024 жылғы Олимпиада чемпионы
Қазақстандық боксшы Аида Әбікеева Ливерпульде (Англия) өтіп жатқан бокстан әлем чемпионатында сенсациялық жеңіске қол жеткізді.
Отандасымыз 65 келіге дейінгі салмақ дәрежесіндегі ширек финалда Олимпиада чемпионы және үш дүркін әлем чемпионы саналатын түрік боксшысы Бусеназ Сюрменелимен жұдырықтасты.
Алғашқы раундта Әбікеева қарсыласынан айқын басым түсіп, төрешілердің шешімімен 4:1 есебімен жеңіске жетті. Екінші раунд та дәл осындай көрсеткішпен қазақстандық спортшының пайдасына шешілді.
Шешуші үшінші раундта Аида тактикалық тұрғыдан өте сауатты қимылдап, қарсыласына мүмкіндік бермеді. Осылайша, ол жарыстың жартылай финалына жолдама алып, өзіне кемінде қола жүлдені қамтамасыз етті.
Бусеназ Сюрменели – 2024 жылғы Олимпиада чемпионы, сондай-ақ IBA тұжырымы бойынша үш дүркін әлем чемпионы (2019, 2022, 2025). Мұндай мықты қарсыласты жеңуі Аида Әбікееваның мансабындағы ең ірі жетістіктердің бірі болды.
Әлем чемпионаты World Boxing ұйымының аясында алғаш рет өтіп жатыр. Дүбірлі дода 14 қыркүйекке дейін жалғасады, ал Аиданың келесі қарсыласы алдағы күндері белгілі болады.
Бұл жеңіс арқылы Аида Әбікеева Қазақстан құрамасының қоржынына кезекті медальды алып келді.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
