Күрестен әлем чемпионатында қола жүлде иеленген Нұрқожа Қайпанов та марапатталды
Алматы әкімі Дархан Сатыбалды әлем чемпионатында жоғары нәтиже көрсеткен спортшыларды құттықтап, алғыс хаттар мен қаржылай сертификаттар табыс етті.
«Сіздерді осы жарқын жеңістеріңізбен құттықтауға рұқсат етіңіздер. Бұл – мен үшін қос қуаныш, өйткені біздің алматылық спортшылар ұлттық құраманың қоржынына 4 медаль салды. Бұдан бөлек, күрес чемпионатында тағы бір медальға қол жетті. Мұның бәрі – сіздермен бірге мақтанатын жоғары нәтиже», – деді қала әкімі.
Загребте (Хорватия) өткен күрестен әлем чемпионатында қола жүлде иеленген Нұрқожа Қайпанов та марапатталды. Сонымен бірге спортшылардың бапкерлеріне де алғыс хат пен қаржылай ынталандыру табыс етілді.
Әлем чемпионатының қорытындысы бойынша Қазақстан құрамасы жалпыкомандалық есепте 1-орынды иеленіп, барлығы 10 медаль жеңіп алды: 7 алтын, 1 күміс және 2 қола. Оның ішінде Алматыдан барған төрт спортшы төрт жүлдені еншіледі – бұл жалпы жетістіктің 40 пайызы.
Алматылық спортшыларға берілген сыйақы көлемі:
Алуа Балқыбекова – алтын медаль үшін 40 миллион теңге
Назым Қызайбай – күміс медаль үшін 30 миллион теңге
Виктория Графеева – қола медаль үшін 20 миллион теңге
Елдана Тәліпова – қола медаль үшін 20 миллион теңге
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
