Дастан Қабденовке 3 млн теңге көлемінде қаржылай сертификат берілді
Солтүстік Қазақстан облысында бокстан әлем чемпионы Наталья Богдановаға құрмет көрсетілді.
Іс-шара барысында өңір басшысы Ғауез Нұрмұхамбетов спортшыны айтулы жетістігімен құттықтап, оның бапкері Дастан Кабденовке кәсіби шеберлігі мен жанкешті еңбегі үшін алғыс білдірді.
«Натальяның таланты, табандылығы мен жанкешті еңбегі, сондай-ақ оның жаттықтырушысы Дастан Кабденовтың кәсібилігі мен өз ісіне деген адалдығының нәтижесінде, еліміздің көк байрағы тағы да халықаралық аренада биікке көтерілді. Бұл жеңіс - жас спортшылар үшін үлкен үлгі әрі өңірімізде бұқаралық спортты дамытуға жаңа серпін беретін қозғаушы күш. Натальяның отбасы мен жақындарына шын жүректен алғыс айтамын! Бұл – үлкен жолдың бастауы ғана. Алда Наталья мен Дастанды әлі талай асулар күтіп тұр. Сәттілік тілеймін!»- деді облыс әкімі.
Кездесуде әлем чемпионына су жаңа көлік кілті табысталып, оның бапкері Дастан Қабденовке 3 млн теңге көлемінде қаржылай сертификат берілді.
Еске салсақ, 70 келі салмақ дәрежесіндегі боксшы Наталья Богданова Ливерпульда өткен әлем чемпионатында алтын медальға ие болған еді. Бұрымды спортшы облыс тарихында әлем чемпионы атанған алғашқы спортшы.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
