Жаңа басшылық қазір аудит жүргізіп жатыр
«Атырау» футбол клубы тағы дауға ілікті . ASnews.kz мәліметінше, команда ойыншылары 2025 жылғы маусым аяқталғаннан кейін уәде етілген сыйақыларын әлі күнге дейін алмаған.
Маусым барысында клуб басшылығы сыйақы беру жүйесі футболшыларды жігерлендіреді деп сенген еді. Өйткені команда соңғы турға дейін премьер-лигада қалу үшін күресті. Футболшылар өздеріне жүктелген міндетті орындап, «Атырау» қауіпті аймақтан шықса, олардың басты қарсыласы болған «Тұран» Бірінші лигаға түсіп қалды.
Ақпарат көздерінің айтуынша, сыйақының кешігуі клубтағы кадрлық ауыс-түйіспен байланысты. Жаңа басшылық қазір аудит жүргізіп жатыр немесе келесі жылға арналған бюджеттің бекітілуін күтіп отырған болуы мүмкін. Сол себепті ойыншылар демалысқа шығар алдында келеңсіз жағдайға тап болды.
Бейресми деректерге сенсек, футболшылар ақшасын жаңа жылда ғана ала алады. Себебі төлемдерді жүзеге асыру үшін құжат мәселелерін шешіп алу керек.
Клуб қарыздарын 2026 жылдың басында, яғни Қазақстан футбол федерациясының (ҚФФ) лицензиялау рәсімі басталған кезде ғана өтей алады.
Регламент бойынша, қызметкерлер алдындағы қаржы берешегі жаңа маусымға лицензия алу үшін кедергі болады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
