Ол жарақат алып қалды.
Өзбекстан ұлттық құрамасы мен Түркияның «Ризеспор» клубының қорғаушысы Хусниддин Аликулов ауыр жарақат алып, 2026 жылғы әлем чемпионатына қатыса алмауы мүмкін.
Халықаралық спорт журналисі Александр Троицкийдің хабарлауынша, 26 жастағы футболшы Түркия Суперлигасының 18-турында «Гезтепеге» қарсы өткен ойында (1:3) жарақат алған. Кездесу барысында Аликулов тізесін жарақаттап алып, алаңнан ерте кетуге мәжбүр болды.
Жүргізілген медициналық тексеріс барысында оның тізе буынындағы айқас байлам (крест тәрізді байлам) үзілгені және мениск зақымданғаны анықталған. Алдын ала болжам бойынша, ойыншының толық қалпына келуіне алты айдан тоғыз айға дейін уақыт қажет болуы мүмкін.
«Бұл – орны толмас шығын. Қазіргі таңда Аликулов Өзбекстан құрамасындағы ең сенімді әрі тұрақты қорғаушы. Басқа жігіттер, соның ішінде Хусанов та ренжімес», – деп баға берді Александр Троицкий.
Биылғы маусымда Хусниддин Аликулов барлық турнирде 11 матч өткізіп, бір нәтижелі паспен көзге түсті.
Айта кетейік, өткен жазда Тимур Кападзе баптаған Өзбекстан құрамасы өз тарихында алғаш рет әлем чемпионатына жолдама алды. А тобында 18 ұпай жинаған команда Біріккен Араб Әмірліктерімен тең ойнап (0:0), топта екінші орын иеленді.
Ал қазан айында ұлттық құраманың тізгінін аты аңызға айналған италиялық маман Фабио Каннаваро ұстады. Дәл осы бапкер Өзбекстанды ӘЧ-2026 додасына бастап парады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
