40 жастағы футболшының келісімшарты 2027 жылдың жазына дейін жалғасады
Португалиялық шабуылшы әрі «Әл-Наср» клубының капитаны Криштиану Роналду Сауд Арабиясы чемпионатының 20-туры аясында «Эр-Риядқа» қарсы өтетін матчқа қатыспайтын болды.
Бұл шешім клуб басшылығының жұмысына көңілі толмауына байланысты қабылданған. Бұл туралы A Bola басылымы клубтағы дереккөзге сілтеме жасап хабарлады.
Дереккөздің мәліметінше, Роналду «Әл-Насрды» басқаруда Сауд Арабиясының Суверендік қоры (PIF) бәсекелес «Әл-Хиляльмен» салыстырғанда теңсіз саясат ұстанып отыр деп есептейді. Қазіргі таңда «Әл-Наср» турнирлік кестеде көш бастап тұрған «Әл-Хиляльден» үш ұпайға қалып келеді.
Айта кетейік, қысқы трансферлік кезеңде «Әл-Наср» құрамын тек 21 жастағы Ирактың жартылай қорғаушысы Хайдир Абдулкариммен ғана күшейтті. Сонымен қатар клуб әкімшілігінде спорт директоры Симау Коутинью мен бас директор Жозе Семедудың өкілеттігі уақытша тоқтатылған.
Ал «Әл-Хиляль» де PIF бақылауында болғанына қарамастан, бірнеше ірі трансфер жасап үлгерді және «Әл-Иттихадпен» жаңа келісімшартқа келе алмаған Карим Бенземаны өз қатарына қосуы мүмкін.
40 жастағы Криштиану Роналдудың «Әл-Насрмен» келісімшарты 2027 жылдың жазына дейін жалғасады. Ол осы маусымда 22 матчта 18 гол соғып үлгерген.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
