Бұл – қазіргі футболдағы қалыпты жағдай
Қазақстан құрамасының бас бапкері Талғат Байсуфинов жас футболшы Дастан Сәтпаевтың не себепті жастар және жасөспірімдер құрамаларына тартылмайтынын түсіндірді.
Маманның айтуынша, бастапқыда Сәтпаевты жолдастық кездесулердің орнына U-21 құрамасының ресми ойындарына қатыстыру жоспарда болған. Алайда кейін бұл шешім қайта қаралған.
«Біз қазіргі футболдағы үрдістерді байқадық. Мысалы, Грузия құрамасындағы Хвича Кварацхелия жастар арасындағы Еуропа чемпионаты кезінде U-21 құрамасына жіберілген жоқ, тек ұлттық құрамада ойнады. Бұл – қазіргі футболдағы қалыпты жағдай», – деді бас бапкер.
Оның сөзінше, талантты жас ойыншыларды төменгі жас санатындағы құрамаларға жіберу олардың дамуына кері әсер етуі мүмкін. Әсіресе психологиялық тұрғыдан қиындықтар туындайды.
«Сәтпаев өте жас болса да, жоғары деңгей көрсетіп жүр. Ұлттық құрамадағы ойындар оған үлкен тәжірибе береді. Ал қайтадан жастар құрамасына оралу оның дамуына кері әсер етуі мүмкін. Сондықтан біз оны тек негізгі құраманың ойыншысы ретінде қарастырамыз», – деп қорытындылады маман.
Қазақстан ұлттық құрамасы Намибияға қарсы матчты 25 наурыз күні өткізеді. Кездесу Астана-Арена стадионында өтеді. Ойынның басталу уақыты – 17:00.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
