Криштиану Роналду 1,8 млн еуро үшін сотқа шақыртылуы мүмкін

«Фламенго» футбол клубы испандық «Альмерия» үстінен Спорттық арбитражды сотқа шағымданды. Соңғысының акциялары даңқты футболшы Криштиану Роналдуға тиесілі.

«Альмерия» «Фламенгоға» шамамен 1,8 миллион еуроны 590 күннен бері төлемей келеді. Ақпанда Роналду испаниялық клубтың 25 пайыз акциясын сатып алған еді.

«Альмерия» 2022 жылы Лазароны трансферлік сатып алу кезінде келісімшарттың негізгі міндетін орындамаған. Бұл – қол қойылған келісімдер мен халықаралық футболдағы қатынастарды реттейтін нормаларға ашық құрметсіздік. 

Жағдай айқын: испаниялық клуб Испанияда қолданылатын салықтарды төлеуге немесе өтеуге міндетті екенін көздейтін тікелей келісімшарттық міндеттеме бар. Алайда «Фламенго» бұл шығындарды өзі өтеуге мәжбүр болып, 1,5 миллион еуродан астам қаражат төлегеннен кейін және ФИФА клубтың өтемақы алуға құқығын толық мойындаған ресми шешім шығарған соң да, «Альмерия» өз міндеттемелерін орындаудан бас тартып отыр. Қарыздың 590-күніне қарай берешек 1,8 миллион еуродан асып кеткен.

Оның орнына клуб жүйелі түрде қарсылық ұстанымын таңдап, процесті әдейі созуға бағытталған процессуалдық тетіктерді пайдаланып келеді. Бұл халықаралық футболдағы клубтар арасындағы қарым-қатынастың негізінде жатуы тиіс адалдық, келісімшартқа беріктік және әділдік қағидаттарына қайшы.

Мәселе бір реттік құқықбұзушылықта емес, келісімшарттық қатынастардағы құқықтық айқындықты әлсірететін және жалпы жүйеге деген сенімге күмән келтіретін саналы әрі қасақана созбалаңға салу тәжірибесінде болып отыр.

«Фламенго» құзыретті органдар, атап айтқанда Спорттық арбитраж соты (CAS), бұл әрекетке тиісті баға беріп, ФИФА аясында қабылданған шешімдердің орындалуын және алынған міндеттемелердің сақталуын қамтамасыз етеді деп сенеді», – делінген мәлімдемеде.

«Клуб өз құқықтарын табанды түрде қорғауды және футболдағы келісімшарттық қатынастардың тұтастығын сақтауды жалғастырады. Сондай-ақ клубтар, ұйымдар мен реттеуші органдар тарапынан батыл әрекет жасалуына шақырады», – делінген клубтың ресми сайтында жарияланған мәлімдемеде.

Қазіргі уақытта «Альмерия» Сегунда турнирлік кестесінде үшінші орында тұр. Ақпан айында Роналду испаниялық «Альмерия» клубының 25 пайыз акциясын сатып алған болатын.