Ол құрамада алғашқы ойынын 2024 жылдың 26 мамырында өткізген
17 жастағы қазақстандық шабуылшы Дастан Сәтпаев алматылық «Қайрат» сапындағы 50-матчын өткізді. Мерейтойлық кездесу семейлік «Елімай» клубына қарсы өткен ойында тіркелді.
Жас футболшы 2024 жылдың 26 мамырында «Ақжайық» клубына қарсы Лига кубогы матчында дебют жасаған еді. Ол кездесуде алматылық команда қарсыласын 9:0 есебімен ойсырата жеңген болатын.
Қазіргі таңда Сәтпаевтың еншісінде 50 матч, 22 гол және 10 нәтижелі пас бар.
Айта кетейік, қазақстандық талантты шабуылшы 2026 жылдың тамыз айында 18 жасқа толған соң лондондық Челси клубына қосылады.
Қазір «Қайрат» Қазақстан Премьер-лигасының турнирлік кестесінде 15 ұпаймен көш бастап тұр. Команданың келесі ойыны Қазақстан кубогының 1/8 финалында «Қайсар» клубына қарсы өтеді. Кездесу бүгін Қызылордада сағат 20:00-де басталады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
