Бұл туралы түркиялық футбол агенті Али Эмре әлеуметтік желіде жазды
Алматылық «Қайрат» пен Қазақстан құрамасының қақпашысы Темірлан Анарбековке Түркияның «Фенербахче» клубы қызығушылық танытып отыр. Бұл туралы түркиялық футбол агенті Али Эмре әлеуметтік желіде жазды.
Түркия чемпионатындағы трансферлерге маманданған агенттің айтуынша, «Фенербахчеге» дәл Анарбеков секілді қақпашы қажет. Ол командаға шабуылды қақпадан өрбітетін емес, қорғанысты сенімді басқарып, шешуші сәттерде командасын құтқарып қала алатын голкипер керек екенін атап өтті.
«Бізге қақпа сызығында қатып тұратын қақпашы қажет емес. Сенімді ойнайтын, қорғанысты басқара алатын және матч тағдырын шеше алатын голкипер керек. Мен үшін бірінші нұсқа — Цолакис, одан кейін Темірлан Анарбеков», – деп жазды Али Эмре.
Айта кетейік, «Қайраттың» Чемпиондар лигасындағы сәтті ойындарынан кейін Анарбековке еуропалық клубтардың қызығушылығы туралы әңгіме көбейе бастады. Әсіресе оның турдың үздік ойыншылары қатарына енуі қазақстандық қақпашының беделін арттыра түсті.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
