23 жастағы футболшы командадан тараптардың өзара келісімі негізінде кеткен
«Ақтөбе» футбол клубы бразилиялық жартылай қорғаушы Жоао Витор Гауденсио Нуньеспен арадағы келісімшартты тоқтатқанын ресми түрде мәлімдеді.
Клуб таратқан ақпаратқа сәйкес, 23 жастағы футболшы командадан тараптардың өзара келісімі негізінде кеткен. Орталық алаңда өнер көрсететін ойыншы «Ақтөбе» сапына биыл сәуір айының басында қосылған болатын. Алайда ол Қазақстан Премьер-лигасының матчтарына тіркелмей, ақ-қызылдар құрамында бірде-бір ресми кездесуге қатысқан жоқ.
Бразилиялық футболшы — «Конкордия» клубының түлегі. «Ақтөбе» оған алдағы мансабына сәттілік тілеп, ынтымақтастық үшін алғыс білдірді.
Айта кетейік, ҚПЛ-2026 маусымының 11 турында FC Aktobe 15 ұпай жинап, турнир кестесінде жетінші орында тұр.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
