Кездесу «Интер Майамидің» 6:4 есебімен жеңісімен аяқталды
Лионель Месси клубтар арасындағы әлем чемпионаты қарсаңында жарақат алып, жанкүйерлерді алаңдатып қойды.
«Интер Майами» капитаны MLS аясындағы «Филадельфия Юнионға» қарсы матчта аяғын жарақаттап алды. Аргентиналық шабуылшы кездесудің соңына қарай алаңды мерзімінен бұрын тастауға мәжбүр болды.
Оқиға матчтың 70-минутында тіркелді. Айып добын орындағаннан кейін Месси сол аяғының жоғарғы бөлігін ұстап, жайсыздық сезінгенін байқатты. Араға бірнеше минут салып, футболшы бапкерлер штабына ауыстыру сұрап, 73-минутта алаңнан шықты. Оның орнына Матео Сильветти ойынға қосылды.
Жарақатына қарамастан, Месси медициналық көмексіз өз бетімен киім ауыстыратын бөлмеге кеткен.
Кездесу «Интер Майамидің» 6:4 есебімен жеңісімен аяқталды. Биылғы маусымда аргентиналық жұлдыз MLS-тегі ең нәтижелі футболшылардың бірі болып отыр. Ол 14 матчта 20 нәтижелі әрекет жасап, 12 гол соғып, 8 нәтижелі пас берген.
Ал «Интер Майами» сапындағы жалпы статистикасында Месси 67 матчта 62 гол мен 45 ассист тіркеп, 107 нәтижелі әрекетке қол жеткізді.
Қазіргі мәлімет бойынша, Месси Аргентина құрамасы сапында әлем чемпионатына қатысады деп күтілуде. Алайда команданың соңғы құрамы әлі ресми жарияланған жоқ. Әлем чемпиондары топтық кезеңдегі алғашқы матчын 16 маусым күні Канзас-Ситиде Алжир құрамасына қарсы өткізеді. Бұған дейін Аргентина құрамасы Гондурас және Исландиямен жолдастық кездесулер ойнайды.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
