Жаңа Подкаст! Қонақта Марат Достаев пен Алдияр Жапарханов

Қатарынан 33 ойын жеңілмеген «Байер» жаңа рекорд орнатты

24.02.2024, 08:38

3 наурызда команда «Кельнмен» кездеседі.

Қатарынан 33 ойын жеңілмеген «Байер» жаңа рекорд орнатты
Getty Images

Футболдан Германия чемпионатының кезекті турында «Байер» жаңа рекорд орнатты. Хаби Алонсо шәкірттері соңғы 33 матчта жеңілмей, «Баварияның» көрсеткішінен асып түсті.

Бундеслиганың 23-турында «Байер» өз алаңында аутсайдерлердің бірі «Майнц» командасын қабылдаған. Ливеркузендік клуб 2:1 есебімен жеңіске жетті.

Осылайша, маусым басталғалы «Байер» барлығы 33 ойын өткізіп, оның ешбірінде жеңілген жоқ. Бұған дейін жеңіліссіз серия бойынша 32 ойынмен «Бавария» бірінші тұрған. Бұл жетістікке мюнхендік клуб 2019-2020 жылғы маусымда жеткен еді. 

«Байер» биылғы маусымда 29 рет жеңіп, 4 рет тең түскен. Қазір команда Бундеслигада көш бастап келеді. Енді 3 наурызда Алонсо шәкірттері «Кельнмен» кездеседі.

×
Жаңалықтар Футбол Хоккей Бокс MMA Теннис Баскетбол Ұлттық спорт