Бұл туралы саудиялық журналист әрі инсайдер Сауд Әл-Сарами мәлімдеді
Португалиялық футболшы Криштиану Роналду 2027 жылдың қаңтарында Сауд Арабиясының «Әл-Наср» клубынан кетуі мүмкін.
Бұл туралы саудиялық журналист әрі инсайдер Сауд Әл-Сарами мәлімдеді. Оның айтуынша, жұлдызды шабуылшы қысқы трансфер кезеңінде команда ауыстыруы ықтимал.
«Менің ойымша, Криштиану Роналду қаңтарда «Әл-Насрдан» кетеді», — деді Әл-Сарами.
Әзірге футболшының өзі де, клуб басшылығы да бұл ақпаратқа қатысты ресми мәлімдеме жасаған жоқ. Роналдудың мансабын қай командада жалғастыруы мүмкін екені де белгісіз.
Бұған дейін бұқаралық ақпарат құралдарында португалиялық футболшы мен «Әл-Наср» басшылығының арасында клубтың трансферлік саясатына байланысты келіспеушіліктер болғаны хабарланған еді. Соған қарамастан, команда 2026 жылы Сауд Арабиясы Про-лигасының чемпионы атанды.
Криштиану Роналду «Әл-Наср» сапында 2023 жылдың басынан бері өнер көрсетіп келеді. 41 жастағы шабуылшы бұған дейін кәсіби мансабын 2027 жылы аяқтауы мүмкін екенін де айтқан.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Каспий
Қызылжар
Атырау
Ертіс
Қайсар
Алтай
Жетісу
