Футболдан Өзбекстан құрамасы (23 жасқа дейін) Азия ойындарының қола медалі үшін болған матчта Қытайдан жеңіліп қалды.
Ойынның негізгі уақыты 2:2 есебімен тең аяқталған. Төреші матчтан кейін бірден пенальти белгілеп, нәтижесінде қытайлықтар 4:3 есебімен басым түсті.
Матчтағы есепті 15-минутта қытайлық ойыншы Ху Хэтао ашқан. Бірінші тайм бітуге екі минут қалғанда Сардорбек Бахромов таразы басын теңестіріп кетті.
Екінші тайм бастала салысымен Қытай құрамасы тағы да толассыз шабуылдап, ақыры 53-минутта гол соғып, алға шықты. Алайда, 90-минутта өзбек ойыншылары ерекше жанкештілік танытып, есепті тағы теңестірді, гол авторы – Шодиер Шодибоев.
Регламент бойынша, үшінші орын үшін болатын матчқа экстра-тайм қосылмайды. Сондықтан командалар бірден пенальти тебісті. Бұл текетіресте Қытай құрамасының мерейі үстем болды, олар бес соққының төртеуін қақпаға дарытса, өзбектер екі рет мүлт кетіп, үш гол ғана соға алды.
Ордабасы
Қайрат
Астана
Оқжетпес
Ақтөбе
Елімай
Тобыл
Жеңіс
Ұлытау
Каспий
Ертіс
Қызылжар
Қайсар
Атырау
Алтай
Жетісу
