![УЕФА Чемпиондар лигасы биылдан бастап жаңа форматта өтеді](https://1bol.kz/cache/imagine/1200/uploads/news/2024/03/04/65e64ce4203f5831982476.jpg)
Енді командалар бұрынғыдай топқа бөлініп ойнамайды
Еуропа Чемпиондар лигасының 2024/25 жылғы маусымы жаңа форматта өтетін болды. УЕФА өкілдері футболшылар мен жанкүйерлерге жаңа талаптарды түсіндіріп берді.
Бұған дейін аталған турнирге 32 команда қатысып келген болса, биылдан бастап олардың саны 36-ға өседі. Сондай-ақ, командалар енді 8 топқа бөлінбейді, бәріне ортақ бір кесте болады. Ал, әрбір команда 8 матч өткізеді: төртеуі өз алаңында, төртеуі сырт алаңда.
Плей-офф кезеңіне қазіргідей 16 клуб емес, 24 клуб шығады. Олардың үздік сегізі тікелей 1/8 финалға жолдама алса, 9-24 орындар алған командалар өзара екі матчтан ойнап (өз алаңында/қонақта), жеңімпаз болған сегізі келесі айналымға өтеді. 25-36 орын алған клубтар жарысты аяқтайды.