Екі ойыннан кейін үш ұпай жинаған «Әл-Наср» турнирлік кестенің сегізінші сатысына жайғасты
Азия футбол конфедерациясы Чемпиондар лигасының екінші турында «Әл-Наср» өз алаңында ферғаналық «Нефтчи» клубын қабылдап, 3:1 есебімен жеңіске жетті.
Алаң иелері есепті 33-минутта ашты. Саудиялық клубтың жартылай қорғаушысы Габриэль Анжело әріптесінің берген пасын қақпаға дәл бағыттап, қанжығасын майлаған. 42-минутта португалиялық даңқты шабуылшы Криштиану Роналду стандарттан көтерілген допқа бірінші жетіп, есепті еселеді.
Екінші тайм басталған сәттен өзбек футболшылары шабуылды үдетіп, ақыры 51-минутта дегеніне жетті. Гол авторы – Алишер Одилов. Алайда, 78-минутта «Нефтчи» ойыншысы Анвар Гофуров өз қақпасына гол соғып, матчтың нүктесін қойды.
Осылайша, екі ойыннан кейін үш ұпай жинаған «Әл-Наср» турнирлік кестенің сегізінші сатысына жайғасты. «Нефтчиде» де үш ұпайы бар. Дегенмен, соғылған гол санының көптігіне байланысты өзбекстандық клуб жетінші орында.
Ордабасы
Қайрат
Астана
Ақтөбе
Оқжетпес
Елімай
Тобыл
Ұлытау
Жеңіс
Каспий
Қызылжар
Атырау
Ертіс
Қайсар
Алтай
Жетісу
