Әліп матч барысында қорғаныстағы 16 жекпе-жекте жеңіске жеткен
Қазақстан құрамасының қорғаушысы Нұралы Әліп Ресей Премьер-лигасының оныншы турында қорғаныстағы жекпе-жектерде жеңіске жету көрсеткіші бойынша үздік нәтиже көрсетті. Санкт-Петербургтің «Зениті» сапында өнер көрсететін футболшы бұл көрсеткіш бойынша турға қатысқан барлық ойыншыдан озып шықты.
Қазақстандық қорғаушы бұл нәтижеге «Краснодарға» қарсы сырт алаңдағы кездесуде қол жеткізді. Әліп матч барысында қорғаныстағы 16 жекпе-жекте жеңіске жетіп, статистикалық рейтингте бірінші орынға көтерілді.
Екінші орынды Махачкаланың «Динамосы» сапындағы Муталип Алибеков иеленді. Оның еншісінде 13 сәтті қорғаныс жекпе-жегі бар. Ал Грозныйдың «Ахмат» клубының өкілі Турпал-Али Саид Ибишев 12 көрсеткішпен үздік үштікті түйіндеді.
«Краснодар» мен «Зенит» арасындағы матч 10 қазанда өтті. Санкт-Петербургтік клуб сырт алаңда 3:2 есебімен жеңіске жетті. Нұралы Әліп кездесуді негізгі құрамда бастап, ойынның басым бөлігін алаңда өткізді. Қазақстандық футболшы 91-минутта ауыстырылды.
Енді «Зенит» 14 қазанда Ресей кубогы аясында Махачкаланың «Динамосымен» кездеседі. Матч қарсылас алаңында өтеді.
Ордабасы
Қайрат
Астана
Ақтөбе
Оқжетпес
Елімай
Тобыл
Ұлытау
Жеңіс
Каспий
Қызылжар
Атырау
Ертіс
Қайсар
Алтай
Жетісу
